ئەو ئامێری بیرهەڵکەندنەی لەلایەن پۆلیسی شارەزوورەوە دەستیبەسەرداگیرا وێنە: پۆلیسی دارستانی سلێمانی
ویستوویانە بەشێوەیەکی نایاسایی بیر لێدەن
پۆلیسی شارەزوور دوو کەسیان دەستگیرکرد
964+
ژێوار خدر
پۆلیسی شارەزوور دوو کەسییان دەستگیرکردووە و دەستیشییان بەسەر ئامێرێکی بیرهەڵکەندنیان گرتووە لە ماڵێکدا، کە ویستوویانە بەشیوەیەکی نایاسایی بیرهەڵکەنن.
ئەمڕۆ سێشەممە 26.11.2024، بەڕێوەبەرایەتی پۆلیسی دارستان و ژینگەی سلێمانی رایگەیاند، دوای ئەوەی ئاگادار کراونەتەوە لە ماڵێکدا ئامێرێکی بیرهەڵکەندن هەیە کە بەشێوەیەکی نایاسایی کار دەکات، مەفرەزەیەکیان لە پۆلیسی دارستانی شارەزوور گەیشتوونەتە شوێنی رووداوەکە و دوو کەسییان دەستگیر کردووە و دەستیشییان بەسەر ئامێری بیر هەڵکەندنەکەدا گرتووە.
دەشڵێت، ئەو کەسانە پەڕاوی لێکۆڵینەوەیان بۆ کراوەتەوە و رێکاری یاساییان بەرامبەر دەگیرێتەبەر.
