دیمەنێكی بەردەم نەخۆشخانەكە، فۆتۆ: ئاژانسەكان
لە نەخۆشخانەیەكی هیندستان
10 منداڵی تازەلەدایكبوو گیانیان لەدەست دا
964+
ئەرسەلان عەبدوڵا
بە لای كەم 10 منداڵی تازەلەدایكبوو بەهۆی كەوتنەوەی ئاگرێكی گەورە لە نەخۆشخانەیەكی هیندستان گیانیان لەدەست دا.
رووداوەكە شەوی رابردوو لە ویلایەتی ئۆتار پرادیش لە هیندستان و لە بەشی چاودێریی چڕی تایبەت بە منداڵاتی تازەلەدایكبوو روویدا.
بەڕێوەبەری نەخۆشخانەكە ئەڤیناش كۆمار بە میدیاكانی وڵاتەكەی راگەیاندووە، ئاگرەكە بەهۆی شۆرتی كارەبا روویداوە و 54 منداڵی تازەلەدایكبوو لە بەشی چاودێریی چڕدا بوون، كە بە لای كەمەوە 10 منداڵ گیانیان لەدەست دا و 16 دیكەش بریندار بوون، 28 منداڵیش سەلامتن و رزگاركران.
وەك میدیای هیندستان باسی دەكەن، زەنگی ئاگاداركردنەوەی كەوتنەوەی ئاگر و دوكەڵ لە نەخۆشخانەكە لەگەڵ كەوتنەوەی ئاگرەكە كاری نەكردووە، بۆیە درەنگ بەوە گەیشتوون منداڵەكان رزگار بكەن، كە شەش تیمی بەرگریی شارستانی دوای زیاتر لە دوو كاتژمێر توانیویانە ئاگرەكە كۆنتڕۆڵ بكەن.
