شارى سۆران...وێنە: سۆشیال میدیا
سبەینێ راهێنان دەکەن
ناوی کارمەندانی وەرگیراو بۆ سەرژمێری لە ئیدارەی سۆران بڵاوکرایەوە
964+
شۆڕش قادری
ئیدارەی سەربەخۆی سۆران ناوی وەرگیراوانی زانکۆ و پەیمانەگاکانی بۆ کاری سەرژمێری گشتی دانیشتوان بڵاوکردەوە و دەشڵێت، سبەی چوارشەممە 13.11.2024 بەشداری خولی راهێنان دەکەن.
ئاماژەی بەوەشکردووە، هەر کارمەندێک لە سنووری خۆی لە لایەن راهێنەرانی خولەکان ئاگادار دەکرێنەوە.
بڕیارە 20.11.2024 سەرژمێریی گشتیی لە هەموو عێراق و هەرێمی كوردستان بەڕێوەبچێ، كە دوو رۆژ دەخایەنێت و ماوەیەكی زۆریشە پرۆسەی ئەزموونی كارەكە و گەمارۆسازی و ژمارەدانان دەستیپێكردووە.
27 ساڵە لە عێراق پڕۆسەى سەرژمێرى ئەنجام نەدراوە و دواینجار پڕۆسەى سەرژمێرى ساڵى 1997 بوو کە ئەوکات دانیشتووانى عێراق، بەبێ هەرێم 19 ملیۆن و 184 هەزار 543 کەس بوو.
یەکەم سەرژمێری گشتیى لە عێراق ساڵی 1934 ئەنجامدرا، ئەوکات ژمارەی دانیشتووانەکەی سێ ملیۆن و 380 هەزار کەس بوو.
بۆ بینینی لیستی ناوی کارمەندانی سەرژمێری کەلەلایەن ئیدارەی سەربەخۆی سۆران بڵاوکراوەتەوە، کلیک لەسەر ئەو لینکەی خوارەوە بکە.
ناوی_توێژه‌ركانی_سه‌رژمێری_ئیداره‌ی_سۆران_1
كێن ئەوانەی قەدەغەی هاتوچۆی سەرژمێریی گشتی نایانگرێتەوە؟
