مەراسیمى تیروپشک بۆ دابەشکردنى زەوى...وینە: شارەوانى سلێمانى
بەسەر کەسوکارى شەهیدان و جینۆساید
لە سلێمانى 500 پارچە زەوى دابەشکرا
964+
وریا فەتاح
ئەمڕۆ، شارەوانى سلێمانى، 500 پاچە زەوى بەسەر کەسوکارى شەهیدان و جینۆسایددا دابەشکرد.
وەک ئەوەى شارەوانى سلێمانى بڵاوى کردووەتەوە، رێوڕەسمى دابەشکردنى پارچە زەوییەکان لە هۆڵى رۆشنبیرى سلێمانى و بە شێوەى تیروپشم ئەنجامدراوە.
رونکراوەتەوە، پارچە زەوییەکان لە سنوورەکانى (فەرمانبەران، لاوان، سۆتکە)، بەسەریاندا دابەشکراوە.
زەردەشت رەفیق، وتەبێژى شارەوانى سلێمانى بە 964ـى وت،”پڕۆسەى دابەشکردنى زەوى بەسەر فەرمانبەراندا بەردەوام دەبێت و هەر لیستێک لە وەزارەتەوە بنێردرێت شارەوانى زەویان بەسەردا دابەشدەکات”.
وەک باسى دەکات، نزیکەى 30 هەزار فەرمانبەر لە سنوورى شارەوانى سلێمانى سودمەند دەبن و سەرجەم زەوییەکانیش جیاکراونەتەوە و دەکەونە سنوورى فەرمانبەران و لاوان و سۆتکە.
