چوار رۆژ بەردەوام دەبێت
پێنجەمین فێستیڤاڵی بازاڕ لە گەرمیان رێکدەخرێت
964+
ژێوار خدر
لە ژێر چاودێری بەڕێوەبەرایەتی گشتی گەشتوگوزاری گەرمیان بەهەماهەنگی یەکێتی هاوردە و ناردنکارانی هەرێمی کوردستان، پێنجەمین فیستیڤاڵی بازاڕ لەگەرمیان بەڕێوەدەچێت.
فێستیڤاڵەکە لە پارکی شاری یاری کەلار دەبێت و لە بەرواری 14.11.2024 دەستپێدەکات و بۆ ماوەی چوار رۆژ بەردەوام دەبێت.
سەربەست سلێمان، یەکێک لە دەستەی بەڕێوەبەرانی فێستڤاڵەکەیە بە 964ـی وت، فیستیڤاڵی بازاڕ لە گەرمیان ساڵانە بە بەشداری نزیکەی 300 کۆمپانیا و بڕاند و خاوەن کار و کاری دەستی خانمان و خواردنی کوردەواری لە شاری کەلار بەڕێوەدەچێت.
وتیشی، ساڵی پار نزیکەی 180 هەزار میوان و گەشتیار سەردانی فێستڤاڵەکەیان کردووە، بانگهێشتنامەشمان بۆ بەشێک لە کۆمپانیاکانی دەرەوەی کوردستان لە عێراق و ئێران و رۆژهەڵاتی کوردستانیش ناردووە و ساڵانی پێشووش چەندین کۆمپانیای دەرەکی بەشداری فێستیڤالەکەیان کردووە.
سەبارەت بەو بەرهەم و بابەتانەی لە فێستیڤاڵەکەدا نمایش دەکرێن، سەربەست سلێمان روونیکردەوە، جگە لە بەرهەمە خۆماڵی و دەرەکییەکان، کۆمپانیاکانی گەشتوگوزاری لە ناوە و دەرەوەی هەرێم براندین بۆ کۆمپانیاکەیان دەکەن، کۆمەڵێک بابەتی کاری دەستی و چنین و کۆمپانیاکانی کڕین و فرۆشتنی خانوبەرە و شیرەمەنی و ساردەمەنییاکەنیش لە بەشداربووانی فێشتیڤاڵەکە دەبن.
لە رێگەی 964ەوە راشیگەیاند، دەرگای چوونە ژوورەوە بۆ سپۆنسەرینگ کراوەیەوە ئارەزوومەندان لە ئێستاوە دەتوانن لە رێگەی ئەم ژمارە تەلەفۆنانەوە پەیوەندیمان پێوە بکەن.
07703147607
07511178312
