باڵەخانەی بەڕێوەبەرایەتی هاتوچۆی هەولێر _ وێنە: هاتوچۆی هەولێر
داویەتی لە تاوەرەکەیان
هەورەبروسکە 22 رۆژ کاری “رەمپە”ی لە هاتوچۆی هەولێر راگرت
964+
ئەحمەد مستەفا
هاتوچۆی هەولێر، داوا دەکات ئەوانەی سبەی نۆرەی تاقیکردنەوەی پراکتیکی (رەمپەیان) هەیە نەچن بۆ لایان، هەورەبروسکە داویەتی لە تاوەری کۆنتڕۆڵی تاقیکردنەوەکان.
بەهۆی هەورەبروسکەکەوە ماوەی 22 رۆژ کاری ئەو کەسانە دوا دەکەوێت.
لە ئاگادارییەکەدا بەڕێوەبەرایەتیی هاتوچۆی هەولێر کە وێنەیەکی گەیشتووە بە 964 دەڵێت، ئاگاداری ئەو هاوڵاتییانە دەیکەنەوە کە رۆژی دووشەممە 4.11.2024 نۆرەی تاقیکردنەوەی پراکتیکی (رەمپە) یان هەیە لە بەشی مۆڵەتی بەڕێوەبەرایەتیی هاتوچۆی هەولێر، تکایە سەردانمان نەکەن تاقیکردنەوەکانیان دوادەخرێت بۆ رۆژی 25.11.2024، ئەوەش بەهۆی لەکارکەوتنی سیستم لە ئەنجامی لێدانی هەورەبروسکە لە تاوەری کۆنتڕۆڵی تاقیکردنەوەکان.
خۆتان بۆ لێزمە باران حازر بکەن
