لە سلێمانی نرخی کارەبای موەلیدەکان دیاریکرا

964+

پێشەوا محەمەد

نرخی کارەبای موەلیدە ئەهلییەکان لە شاری سلێمانی بۆ مانگی کانوونی دووەم لەنێوان 17 هەزار و 750 تا 19 هەزار و 250 دینار دایە.

ئه‌مڕۆ چوارشه‌ممه‌، لیژنه‌ی دیاریكردنی نرخی موەلیده‌ ئه‌هلییه‌كانی سلێمانی كۆبووه‌وه‌، به‌ گوێره‌ی نرخی گازوایل نرخی كاتژمێرێك ئەمپێڕی موەلیدە بە 59 دینار دیاری كرا، کە ئەمپێرێک لەنێوان 17 هەزار و 750 دینار تا 19 هەزار و 250 دینار دەبێت.

لەو مانگەدا به‌ تێكڕایی موەلیدە ئه‌هلییه‌كان لەنێوان 305 بۆ 330 كاتژمێڕ كاریانكردووە.

هەروەها ئەو موەلیدانەى کە بەرنامەى کارکردنیان لە کاتژمێر 7ـى بەیانى بۆ کاتژمێر 1ـی شەوە، نرخى ئەمپێریان لە نێوان 21 بۆ 23 هەزار دینارە.

لە كۆبوونەوەكەشدا ئەو خاڵە دووپات كراوەتەوە، كە پێویستە پاش كوژانەوەی كارەبای نیشتمانی 10 خولەك زیاتر بەسەر كارپێكردنی موەلیدە تێنەپەڕێت، بەپێچەوانەوە سەرپێچیكار رووبەڕووی یاسا دەكرێتەوە.