لیستی مووچەی مانگی 10 رادەستی وەزارەتی دارایی عێراق کرا

964+

شۆڕش قادری

لیستی مووچەی مانگی 10ـی فەرمانبەرانی هەرێم رادەستی وەزارەتی دارایی عێراق کرا.

بەپێی راگەیەنراوێکی وەزارەتی دارایی و ئابووری حکومەتی هەرێمی کوردستان، “ئەمڕۆ یەکشەممە 3.11.2024 لیستی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان لەلایەن نوێنەری وەزارەتی دارایی و ئابووری هەرێمەوە رادەستی بەڕێوبەرایەتی گشتی ژمێریاری لە وەزارەتی دارایی حکومەتی فیدڕاڵ کراوە”.

پێشتر وەزارەتی دارایی و ئابووری حکومەتی هەرێمی کوردستان رایگەیاندبووە، زۆربەی كێشەكانی پەیوەندیدار بە لیستی موچەی فەرمانبەران و ئەو خاڵانەی  تێبینیی بەغدایان لەسەر بوو، چارەسەر كراون.

ئاماژەی بەوەشکردبوو، لە ئێستادا لە 75% کێشەکانی بایۆمەتری و لیستی مووچە چارەسەر بووە و تا کۆتایی ساڵ سەرجەم کێشە هونەرییەکانی لیستی مووچە چارەسەر دەبێت.

وەزارەتی دارایی: تا کۆتایی ساڵ سەرجەم کێشە هونەریەکانی موچە چارەسەر دەبێت

لەگەڵ بەغدا رێککەوتوین تا کۆتایى ئەمساڵ هەموو کێشە تەکنیکییەکانى لیستى موچە چارەسەر بکەین