سبەینێ یەکشەممە
لە کەرکوک پشووە و لە هەولێر دەوام ئاساییە
964+
وریا فەتاح
پارێزگاى هەولێر لەبارەى پشووى سبەینێ یەکشەممە، روونکردنەوەیەکى بڵاوکردەوە و دەڵێت، سبەینێ دەوام ئاساییە و پشوو نییە، لە کەرکوکیش بەهۆى مەترسییەکانى لافاو سبەینێ کرایە پشووى فەرمى.
بەپێى راگەیەنراوێکى پارزگارى کەرکوک، کە کۆپییەکى بەدەست 964 گەیشتووە، پشتبەست بە راپۆرتى کەشناسى و ئەگەرى بارانبارینى بەخوڕ، سبەینێ یەکشەممە پشووى سەرتاسەرییە.
لە راگەیەنراوەکەدا هاتووە، رێبوار تەها پارێزگارى کەرکوک فەرمانى بە بەڕێوەبەرایەتى گشتى پەروەردەى کەرکوک کردووە، سبەینێ دەوامى فەرمى رابگرێت و لە سەرجەم قوتابخانەکان پشووى فەرمى بێت.
جگە لە پەروەردە، دەوامى فەرمى زانگۆ و پەیمانگا حکومى و ناحکومییەکانیش راگیراوە.
لاى خۆیەوە پارێزگاى هەولێر لەبارەى پشووى سبەینێوە، روونکردنەوەیەکى بڵاوکردەوە و دەڵێت، هەموو لایەک ئاگادار دەکەینەوە بەیانی لە سەرجەم فەرمانگە و دام و دەزگاکانی سنووری پارێزگای هەولێر دەوام ئاساییە و پشوو نییە.
