ماوەیەکە تاڕادەیەک جێگیرە

نرخی نەوت کەمێک دابەزی

2024-11-02 | 08:20

964+

شۆڕش قادری

نرخى نەوت دواى بەرزبوونەوەکەی دوو رۆژى رابردووى، ئەمڕۆ کەمێک دابەزینی بەخۆیەوە بینى.

بە پێی دەستپێكی مامەڵەكانی ئەمڕۆ شەممە 2.11.2024 نرخی یەك بەرمیل نەوتی برێنت بە نزیکەی 73.10 دۆلار مامەڵەی پێوەدەکرێت، هەروەها بەرمیلێك نەوتی سووكی تێكساسیش بە 69 دۆلار و 49 سەنتە و بەراورد بە دوێنێ هەینی، زیاتر لە دۆلارێک دابەزیوە.

دوو هەفتەیەکە نرخی نەوت لە بازاڕەکانی جیهاندا بەراورد بە چەند هەفتەی رابردوو کەمێک بە جێگیری ماوەتەوە یان گۆڕانکارییەکی کەمی تێدا روودەدات.

لە دوای هێرشە سنووردارەكەی ئیسرائیل بۆ سەر ئێران و بەردەوامیی ئاڵۆزییەكانی رۆژهەڵاتی ناوەڕاست، هەروەها كەمبوونەوەی خواست لەسەر نەوت، وای كرد نرخی نەوت زیاتر دابەزێت، بەڵام لە دوو رۆژی رابردوودا کەمێک بەرزبووەوە.