ئەگەر مەترسی لافاو و كۆبوونەوەی ئاوتان هەبوو تەلەفۆن بكەن

964+

ئەرسەلان عەبدوڵا

بەڕێوەبەرایەتیی خزمەتگوزاری و ژینگەپارێزی لە سەرۆكایەتیی شارەوانیی هەولێر داوا لە هاوڵاتیان دەکات، لە کاتی پێویست و کۆبوونەوەی ئاو و ئەگەری لافاو پەیوەندیان پێوە بکەن.

شارەوانیی هەولێر رایگەیاند، ئەمڕۆ هەینی 1.11.2024 سەرەڕای پشووی فەرمیی فەرمانبەران، بە سەرپەرشتی لیژنەکانیان لە بەڕێوەبەرایەتیی خزمەتگوزاری و ژینگەپارێزی، بەهۆی پێشبینییەکانی گۆڕانی کەشوهەواو و ئەگەر بارانبارین لە رۆژانی داهاتوو، هەروەها لەگەڵ ئەوەی بەردەوامی دەدرێت لە پاککردنەوەی زێراب و مەنهۆڵ و چەپەرەکانی ئاووەرگرتن، هاوکات بۆ ئەمڕۆش دووبارە دەستکرا بە هەڵمەتی خاوێنکردنەوەی زێراب و مەنهۆڵ و ڕێڕەوەکانی ئاوەڕۆ و پاککردنەوەیان، لە سنووری تەواوی سەرۆکایەتیی شارەوانی هەولێر .

ئاماژەیان بەوەش كردووە، هەوڵەکان چڕتر کراوەتەوە لە هەموو ئەو شوێنانەی کە ئەگەری کۆبوونەوەی ئاوی لێ دەکرێت و مەترسی لافاو و دروستبوونی ئاستەنگی هەیە.

هاوكات بەڕێوەبەرایەتیی خزمەتگوزاری و ژینگەپارێزی لە سەرۆكایەتیی شارەوانیی هەولێر، داوا لە هاوڵاتیان دەکات لە کاتی بوونی هەر کێشە و گرفتێکی پەیوەست بە گیرانی زێراب و ئەگەری لافاو، راستەوخۆ پەیوەندی بە هێڵی فریاگوزاری بكەن لە رێگای ژمارە تەلەفۆنی 07509584838.

بەپێی پێشبینییەكانی كەشوهەوا، سبەی شەممە و رۆژانی یەكشەممە و دووشەممە ئەگەری بارانبارینی بەخوڕ هەیە، بە تایبەتی رۆژی یەكشەممە.

شارەوانیی هەولێر بەخۆکەوتووە

شارەوانی هەولێر بۆ شۆفێران: ئۆتۆمبێل لە ژێر جسری سەیداوە رامەگرن