ئەستێرەیەکی تۆپی پێی ئیسپانیا بە لافاوەکە گیانی لەدەستدا

964+

شۆڕش قادری

چەند رۆژێکە شەپۆلێکی باران بارین رووی لە ئیسپانیا کردووە و بەهۆیەوە لافاو لە چەند ناوچەیەک دروستبووە و بەدەیان کەس گیانیان لەدەستداوە کە ئەستێرەیەکی تۆپی پێی وڵاتەکە یەکێکە لە قوربانییەکان.

بەپێی راپۆرتێکی ماڵپەڕی دەیڵی مەیل، تا ئێستا 158 کەس لە ڤالێنسیا و چەند شارێکی تری ئیسپانیا بە لافاوەکە گیانیان لەدەستداوە و بە هەزاران کەسیش بێ ماڵ و حاڵ بوون، پێشبینیش دەکرێت ئاماری قوربانییەکان بەرزبێتەوە.

ئاماژە بەوەشکراوە، خۆزێ کاستیلیخۆـی تەمەن 28 ساڵ و ئەستێرەی تۆپی پێی ئیسپانیا و یاریزانی پێشووی یانەی ڤالێنسیا یەکێکە لەو کەسانەی کە گیانیان لەدەستداوە.

کاستیلیخۆ لە چەند یانەیەکی تۆپی پێی ئیسپانیا یاریکردووە و ئەزموونی یاریکردنی لە لالیگادا هەیە.

ریال مەدرید و ڤالێنسیا جەنگەکەیان بردووەتە ناو خاکی سعودیە

هۆشداری ژووری ئۆپەراسیۆن و بەڕێوەبردنی قەیران لە بارانی بەلێزمە و دروستبوونی لافاو