وەزارەتی ناوخۆ و حەوت کۆمپانیای گەیاندن چوار رێنمایی هاوبەشیان دەرکرد

964+
ئەحمەد مستەفا

ئەمڕۆ پێنجشەممە 31.10.2024، وەزارەتی ناوخۆ لەگەڵ نوێنەری حەوت کۆمپانیای گەیاندن کۆبوەوە، بڕیاری ئەوەیاندا بریکارە سەرەکی و لاوەکییەکانی سیم کارت فرۆشتن، ناچار بکرێن خۆیان لە ماوەی یەک مانگدا تۆمار بکەن.

بۆ تۆمارکردنەکە لە کۆبوونەوەکەدا فۆڕمێک ئامادە کراوە، وە دەسەڵات بەلیژنەی ئەمنی شارەکانیش دراوە، شوێنکاری بریکاری سەرپێچی کار دابخات لە ئەگەری پابەند نەبوون بە رێنماییە بەرکارەکانی سیم کارت فرۆشتن و کاری سەرپێچی.

رێنماییەکانی وەزارەت و حەوت کۆمپانیاکەی گەیاندن لە ژێر رێنمایی ژمارە 8ی ساڵی 2021ی هەموارکراو و کۆبوونەوەی نێوان وەزارەتی ناوخۆ و وەزارەتی گواستنەوە و گەیاندن بڕیاری لێ دراوە و رێنماییە نوێیەکە، هێمن میرانی، بەڕێوەبەری گشتیی دیوانی وەزارەتی ناوخۆ واژۆی کردووە.

لە رێنماییەکی دیکە، بە لیژنە ئەمنییەکان وتراوە کاربکەن بۆ دەستبەسەرداگرتنی هەر سیمکارتێک کە بە نایاسایی و لە دەرەوەی فرۆشتنی فەڕمی بەدەست هاتووون، پۆڵێنی کۆمپانیا و ژمارەی سیریاڵی سیمکارتەکە بکرێ و ئاراستەی بەڕێوەبەرایەتی کۆمپانیا ئەمنییەکان و مۆڵەتپێدان لە وەزارەتی ناوخۆ بکرێن.

لەو پڕۆسەیەش دەبێت لە 48 کاتژمێردا، کۆمپانیای ئاڕاستەکراو بۆ بەدەستهێنانی ناوچەی کار و دۆزینەوەی بریکاری سەرپێچیکار، زانیاری لەسەر سیمکارت فرۆش بدات بە لایەنە ئەمنییەکان و ژووری هاوبەشی جێبەجێکردن.

دەقی رێنماییەکان؛