کۆمەڵێک خێرخواز 30 دارتوویان بۆ ناحیەی جەباری دابین کرد - وێنە: شارەوانی سلێمانی
لە ناحیەی تەکیەی جەباری
کۆمەڵێک خێرخواز 30 دار تووی کوردیان دابینکرد
964+
ژێوار خدر
لە ناحیەی تەکیەی جەباری کۆمەڵێک خێرخواز 30 نەمامیان دابینکرد و لەلایەن شارەوانییەوە لە یەکێک لە شەقامەکانی ناحیەکە چێندران.
ئەمڕۆ چوارشەممە 30.10.2024، شارەوانی سلێمانی رایگەیاند، لە هەڵمەتێکدا لە ناحیەی تەکیەی جەباری 30 دار تووی کوردییان چاندووە کە لەلایەن چەند خێرخوازێکی ناوچەکەوە دابینکراون.
دەشڵێت، دارەکان لەلایەن کارمەندانی هۆبەی باخچەکانی شارەوانی لەژێر چاودێری لیژنەی سەرپەرشتیاری شارەوانی بەهاوکاری کارمەندانی کۆمپانیای ئانزۆ چێندراون.
ناحیەی تەکیەی جەباری یەکێکە لە حەوت ناحیەی قەزای چەمچەماڵ لە پارێزگای سلێمانی، ناوەندەکەی شارەدێی تەکیەی جەبارییە و ژمارەی دانیشتووانی ناحیەکە لە ساڵی 2020 دا 1124 کەس بووە.
