هەڵەبجە. وێنە: بەرگری شارستانی هەڵەبجە
چ کارێکیان پێتان هەیە
خاوەن بازاڕ و قەیسەرییەکانی هەڵەبجە سەردانی بەڕێوەبەرایەتيی بەرگريی شارستانی بکەن
964+
ژێوار خدر
بەرگریی شارستانیی هەڵەبجە خاوەن بازاڕەکان فێری چۆنیەتی رووبەڕووبوونەوەی رووداوە نەخوازراوەکان دەکات و دەڵێت ئەگەر لە ماوەی هەفتەیەکدا سەردانمان نەکەن خۆتان بەرپرسیار دەبن لە روودانی هەر رووداوێک.
ئەمڕۆ سێشەممە 29.10.2024، بەرگریی شارستانی هەڵەبجە، ئاگادارییەکی بڵاوکردووەتەوە و داوا لە خاوەن بازاڕ و قەیسەرییەکانی سنوری پارێزگاکە دەکات، لە ماوەی یەک هەفتەدا سەردانی بەڕێوەبەرایەتییەکە بکەن، بەمەبەستی پێدانی زانیاری لەسەر چۆنیەتی رووبەڕووبوونەوەی رووداوە نەخوازراوەکان.
روونیشیکردووەتەوە، بەکارهێنانی ئامێرەکانی گەرمکەرەوە لەم وەرزەدا رووداوی نەخوازراوی ئاگرکەوتنەوەی لێ دەکەوێتەوە و ئەمەش زیانی گیانی و مادی زۆری لێ دەکەوێتەوە، بۆیە داوا لە خاوەن بازاڕەکان دەکات لە ماوەی هەفتەیەکدا سەردانی بەڕێوەبەرایەتیەکە بکەن و دەڵێت، بە پێچەوانەوە لە ئەگەری روودانی هەر رووداوێک خۆیان بەرپرسیار دەبن.
