دیمهنی پێشانگایه‌كی كتێب... گرافیك: 964+
داشكاندنه‌كانى سه‌رووى 50% ده‌بێت
پێشانگایه‌كی كتێب له راپه‌ڕین ده‌كرێته‌وه نرخى هیچ كتێبێك له 4000 دینار تێپه‌ڕ ناكات
964+
فه‌رهاد حه‌سه‌ن
كتێبخانه گشتییه‌كانى ئیداره‌ى راپه‌ڕین به‌نیازه له‌هه‌فته‌ى داهاتوو دووه‌مین پێشانگاى كتێب بكاته‌وه و داشكاندنه‌كانیش بۆ هه‌ر كتێبێك له 50% كه‌متر نییه.
دانا خدر مینه، به‌ڕێوه‌به‌رى كتێبخانه گشتییه‌كانى راپه‌ڕین به 964ـى وت، بڕیاره له رۆژى یه‌كشه‌ممه‌ى داهاتوو پێشانگایه‌كه بكرێته‌وه، كه نزیكه‌ى حه‌وت ده‌زگاى چاپ و بڵاوكردنه‌وه به‌شدارى تێدا ده‌كه‌ن.
وتیشی “به‌گشتى داشكاندن بۆ ته‌واوى كتێبه‌كانى پێشانگاكه كراوه و هیچ كتێبێك به (تاك) نرخه‌كه‌ى له چوار هه‌زار دینار تێپه‌ڕ ناكات”.
ئاماژه‌ى به‌وه‌شكرد، بۆ كتێبه‌كانى دیكه‌ش كه‌وه‌كو (به‌رگ)ن داشكاندنه‌كانیان له 50% به‌سه‌ره‌وه‌یه.
پێشانگاكه شه‌ش رۆژ ده‌خایه‌نێت و ده‌بێته دووه‌م پێشانگا كه له‌ماوه‌ى ئه‌مساڵدا له سنوورى ئیداره‌ى راپه‌ڕین بكرێته‌وه.
