پەیامی نێچیرڤان بارزانییە
هەرێمی کوردستان بە گەرمی پێشوازی لە مانەوەی ئەڵمانیا دەکات
964+
ئەحمەد مستەفا
سەرۆکی هەرێمی کوردستان، بەهۆی مەترسی و پێناسەکردنی بە هەڕەشەیەکی گەورەی داعش لەسەر عێراق، مانەوە و درێژکردنەوەی تیمە راوێژکارییەکانی ئەڵمانیا لە عێراق ق هەرێمی کوردستان بە گەرمی پێشوازی لێ دەکات.
رۆژی، 17.10.2024، پەرلەمانی ئەڵمانیا خوێندنەوەی دووەمی بۆ درێژکردنەوەی مانەوەی هێزەکانی ئەڵمانیا لە عێراق و هەرێمی کوردستان کرد، پەرلەمانتاران بە زۆرینە مانەوەی هێزەکانی ئەڵمانیا لە 1.11.2024 تاوەکو 31.1.2026 پەسەندکرد.
لە کاردانەوە و پەسەندکردنی ئەو بڕیارە، نێچیرڤان بارزانی سەرۆکی هەرێمی کوردستان لە تۆڕی ئێکس رایگەیاند، بە گەرمی پێشوازی لە بڕیاری حكومەت و پەرلەمانی ئەڵمانیا دەكەم بۆ درێژكردنەوەی ماوەی مانەوەی هێزەكانیان لە عێراقدا.
لە بارەی گرنگی بڕیارەکە، نێچیرڤان بارزانی دەڵێت، داعش هێشتا هەڕەشەیەكی گەورەیە بۆ عێراق و ئاسایشی و سەقامگیریی ناوچەكە، ئامادەیی و هاوكاریی هاوپەیمانە نێودەوڵەتییەكانمان لە شەڕی دژی داعش بەرز دەنرخێنم.
ئەوە لە کاتێکدا، حکومەتی ئەڵمانیا لە پلانیدایە 500 راوێژ و سەربازی دیکەی بۆ مەشق و راوێژکردن بە هێزە ئەمنییەکانی عێراق و هەرێمی کوردستان رەوانەی ناوچەکە بکات، ئەوەش بۆ کەمکردنەوەی ئەو مەترسیانەی لە ناوچەکانی نێوان حکومەتی هەرێمی کوردستان و عێراق دروست بووە.