داوای خزمەتگوزاری دەکەن
دانیشتووانی گەڕەکێکی سلێمانی رێگایان داخستووە و خۆپیشاندان دەکەن
964+
دیلان محەمەد جەزا – سلێمانی
دانیشتووانی گەڕەکی کۆمپانیای نەوزاد لە سلێمانی گردبوونەتەوە و رێگایان داخستووە و داوای خزمەتگوزاری دەکەن بۆ گەڕەکەکەیان.
پەیامنێری 964 چووتە لای ئەو هاوڵاتیانە و ئەوان دەڵێن، زیاتر لە 12 ساڵە لەو گەڕەکەن بەڵام تابڵێی رێگاوبانەکەیان خراپە و کەس داواکارییەکانیان جێبەجێ ناکات.
هاوڵاتیەکی دیکە بە 964ـی وت، دوو هەزار ماڵ لەو گەڕەکەیە کە زیاتر لە چوار هەزار کەس نێشتەجێن و چەندین جار چوونەتە شارەوانی هەر بەڵێنیان پێ دەدرێت بەڵام جێبەجێی ناکەن بۆیان.
هاوڵاتیانی گەڕەکی کۆمپانیای نەوزاد داوای رێگاوبان و سەوازیی و ئاو دەکەن بۆ گەڕەکەکەیان و دەڵێن حاڵیان نەماوە لە گەڕەکەکە.
پێداچوونەوە: توانا نەقی