ئەمساڵ چەند قوتابی لە هەرێمی کوردستان دەچنە قوتابخانە؟

شۆڕش قادری

دوو رۆژی ماوە بۆ دەستپێکی دەوامی خوێندن و بۆ ئەمساڵیش یەک ملیۆن و 800 هەزار قوتابی دەچنە قوتابخانە.

سامان سیوەیلی وتەبێژی وەزارەتی پەروەردەی حکومەتی هەرێم بە 964ـی وت، “بۆ پڕۆسەی خوێندنی 2024-2025 یەک ملیۆن 800 هەزار قوتابی بە سەرجەم پۆلەکانەوە دەچنە قوتابخانە و دەست بە دەوام دەکەن”.

ئاماژەی بەوەشکرد، سەرجەم قوتابخانەکانی هەرێمی کوردستان ئامادەن و هیچ کێشەیەکیان بۆ پڕۆسەی خوێندنی ئەمساڵ نییە.

سەبارەت بە ژمارەی قوتابیانی پۆلی یەکەمی سەرەتایی بۆ ئەمساڵی خوێندن، سامان سیوەیلی وتی، “تا ئێستا هیچ ئامارێکمان بەدەست نەگەیشتووە”.