ئۆتۆمبێلە وەرگەڕاوەكە و كەلوپەلەكانی ناوی، فۆتۆ: پۆلیسی دارستانی گەرمیان
كفری
راوچییەك ئۆتۆمبێلەكەی وەرگەڕا و رای كرد
964+
ئەرسەلان عەبدوڵا
پۆلیسی ژینگە و دارستانی كفری سەر بە پۆلیسی دارستانی گەرمیان بڵاویكردەوە، دەستیان بەسەر ئۆتۆمبێلێكی وەرگەڕاودا گرتووە، كە خاوەنەكەی راوچییە و رای كردووە.
بەڕێوەبەرایەتیی پۆلیسی پاراستنی ژینگە و دارستانی كفری شەوی رابردوو بڵاویكردەوە، ئاگادار كراونەتەوە ئۆتۆمبێلێکی جۆری نیسان پەترۆڵ لە (جەوەڵ عەزەدین) وەرگەڕاوە، دوای ئەوەی مەفرەزەكانیان چوونەتە سەر ئۆتۆمبێلەکە، كەسیان تێدا نەبینیوە و شۆفێرەکەی رای كردووە.
ئاماژەیان بەوەش كردووە، بە فەرمانی دادوەری لێکۆڵینەوەی کفری، ئۆتۆمبێلەكە دەستی بەسەردا گیرا، كە کۆمەڵێك کەرەستەی راوکردنی تێدا بووە و ئێستاش لێکۆڵینەوە بەردەوامە بۆ دۆزینەوەی تۆمەتبار.
