ژن و منداڵێک لە نەخۆشخانەی شار کەسوکاریان دیار نییە
لە سلێمانی
ژن و منداڵێک لە نەخۆشخانەی شار کەسوکاریان دیار نییە
964+
شۆڕش قادری
لە سلێمانی ژنێک باری تەندروستی تێکچووە و لەگەڵ منداڵەکەی رەوانەی نەخۆشخانەی شار کراون، بەڕێوەبەرانی نەخۆشخانەکەش داوا دەکەن هەر کەس زانیاری لەسەر کەسوکاری ئەو ژن و منداڵە هەیە ئاگاداریان بکەتەوە.
ژیار جەلال بەڕێوەبەری چاودێری کۆمەڵایەتیی سلێمانی بە 964ـی راگەیاند، “ئەمڕۆ دووشەممە 16.9.2024 ژنێک بە ناوی کەژان ساڵح لەلای فولکەی مامە ریشە تەندروستی تێکچووە و دواتر لەلایەن خەڵکەوە و بە ئەمبولانس گەیەندراوەتە نەخۆشخانەی شار”.
“ژنەکە منداڵێکی کوڕی تەمەن دوو ساڵی پێیە و ئێستا باری تەندروستی ژنەکە جێگیر نییە و براوەتە ژووری نەشتەرگەری، منداڵەکەش گوازراوەتەوە بۆ خانەی منداڵان”، ژیار جەلال وای وت.
داوایشی کرد، هەر کەس و لایەنێک زانیاری لە سەر کەسوکاری ئەو ژن و منداڵە هەیە، بەم ژمارە تەلەفۆنە (07700472020) پەیوەندییان پێوە بەکات یان سەردانی نەخۆشخانەی شار بکات.
مانگی رابردوو هەر 24 کاتژمێرێک 1200 کەس چوونەتە نەخۆشخانەی شار
