لە بەسرە
ژن و پیاوێک دەستگیرکران کە ماددەی هۆشبەریان لەنێو قوتوی شیری منداڵ شاردبووەوە
964+
وریا فەتاح
لە بەسرە ژن و پیاوێک بە رەگەزنامەى بیانییەوە دەستگیرکران کە بڕێکى زۆر مادەى هۆشبەریان لە قوتوى شیرى منداڵدا شاردبووەوە.
ئەمڕۆ شەممە، هێزەکانى ئاسایشی نیشتمانی عێراق، توانیان ژن و پیاوێک بە رەگەزنامەی بیانی دەستگیر بکەن، کە بڕێکی زۆر مادەى هۆشبەر لە جۆرى “کریستاڵ”یان لە قوتوى شیری منداڵاندا شاردووەتەوە و ئامادەکرابوون بۆ بە قاچاخبردن.
بەپێى بەیاننامەى ئاسایشى نیشتمانى بێت، هەوڵەکانى بازرگانیکردن بە مادەى هۆشبەر هەر جارە و بە شێوازێکە و قاچاخچییەکان پەنا بۆ رێگەى جیاواز دەبەن، بەڵام هێزەکانیان سەرکەوتوون لە پوچەڵکردنەوەى.