بووبە سێ حاڵەت
ژنێکی دیکە لە گەرمیان تووشی کۆلێرا بوو
964+
میلاد جەلال – گەرمیان
حاڵەتێکی دیکەی نەخۆشی کۆلێرا لە گەرمیان تۆمارکراوە، تەندروستی گەرمیانیش دەڵێت، دۆخی تەندروستی جێگیرە.
توشبووەکە ژنێکی تەمەن 70 ساڵانە و دانیشتووی قەزای کەلارە، بەمەش دەبێتە سێیەم حاڵەتی توشبوونی کۆلێرا لە گەرمیان، کە ھەرسێکیان ژنن.
کامەران محەمەد، بەڕێوەبەری خۆپاراستنی تەندروستی گەرمیان بە 964ـی وت،” ژنێکیتر لە گەرمیان تووشی کۆلێرا بووە، بەڵام دۆخی تەندروستی جێگیرە و هیچ کێشەیەکی نیە”
ئاماژەی بەوەشکرد،”تووشبووەکە دانیشتوی قەزای کەلارە، بەڵام نازانین ھەر لە کەلار تووشبووە یاخود لە شارێکیتر توشبووە و دواتر گەڕاوەتەوە کەلار”.
بەڕێوەبەرەکەی خۆپاراستنی گەرمیان وتیشی”پشکنینی دووەممان بۆ نەخۆشەکە کردووەتەوە، نەخۆشیەکەی تێپەڕاندووە و ھیچ گرفتێکی نەماوە”.
پێداچوونەوە: توانا نەقی
