دیمەنی ئەو ئۆتۆمبێلەی کە لەسەر پشت کەوتووە.وێنە.هاتوچؤی گەرمیان
لە رێگای نێوان کەلار - کفری
بەرەبەیانی ئەمڕۆ ئۆتۆمبێلێک بە تەقلەوە کەوتە سەر پشت و دوو کەس بریندارن
+964
توانا نەقی
بەرەبەیانی ئەمڕۆ لەسەر رێگای کەلار – کفری ئۆتۆمبێلێک وەرگەڕاوە و لەسەر پشت خۆی گرتووەتەوە، سەرباری قورسی رووداوەکە سەرنشینەکانی تەنیا بریندارن.
چەند کاتژمێرێک پێش ئێستا هاتوچۆی گەرمیان بڵاویکردەوە، لەسەر رێگای کەلار – کفری نزیک ناحیەی رزگاری بەهۆی وەرگەڕانی ئۆتۆمبێلێکەوە دوو کەس برینداربوون و رەوانەی نەخۆشخانە کراون.
دەشڵێت، ئۆتۆمبێلەکە لە جۆری BMW کۆنترۆڵی لەدەستداوە و وەرگەڕاوە، ئەو دوو کەسەشی بریندار بوون شۆفێر و سەرنشینەکەی بوون و رەوانەی نەخۆشخانەی فریاکەوتنی شەهید هەژار کراون لە کەلار.
بە پێی ئەو وێنانەی هاتوچۆ بڵاویکردووەتەوە ئۆتۆمبێلەکە داری بەسەر بەردەوە نەماوە و جگە لەوەی پارچەشی لێبووەتەوە خۆیشی لەسەر پشت کەوتووە.
رێگای نێوان کەلار – کفری رێگایەکی دووسایدە و بەهۆی ئەوەی هیچ کامێرایەکی تیژڕەی لێ نییە زۆرجار رووداوی هاتوچۆی لەسەر روودەدات و شۆفێران پابەندی خێرایی دیاریکراو نابن
