بەڕێوەچوونی بۆنەکە. فۆتۆ: مۆزەخانەی گەرمیان
لەبارەی پاراستنی کەلەپور
لە مۆزەخانەی گەرمیان بۆنەیەکی خێزانی هەبوو
964+
ژوورى هەواڵ
لە مۆزەخانەی شارستانی گەرمیان بۆنەیەکی تایبەت بە منداڵان و خێزانەکان رێکخرا و وانەیەکی تایبەت لەبارەی پاراستنی شوێنەوار و کەلوپەلە مێژووییەکان وترایەوە.
ئەمڕۆ شەممە 7.9.2024، محەمەد عەلی لە شوێنەواری گەرمیان بە 964ـی راگەیاند، نزیکەی 75 منداڵ بەشداریان لەو بۆنەیەدا کردووە و ئامانج لەمە هۆشیاری شوێنەواری بوو بۆ زیاتر ئاشناکردنی منداڵ و خێزانەکان بە کاری شوێنەوارناسی و گرنگ تەماشاکردنی شوێنەوارەکان.
چالاکییەکانیش بریتیبوون لە پیشاندانی پارچەکانی مۆزەخانەی گەرمیان، قسەکردن بۆ منداڵەکان، پرسیار و وەڵام بە وێنەکردن، هەڵبژاردن و نوسین لەرێگەی کاغەز.
مۆزەخانەی گەرمیان لە ساڵی 2014 کراوەتەوە بە دەیان پارچە شوێنەواری گرنگی سەردەمە جیاوازەکانی لەخۆ گرتووە وەکو سەردەمی ئەسکەندەر و ئەشکانی و ساسانی و هەتا سەردەمانی ئیسلامیشی تێدایە.
