دیمهنى كۆبوونهوهیهكی پێشووى ئهنجومهنى وهزیران... وێنه: فهرمانگهى میدیا و زانیاری.
بەڵام، کۆبوونەوەکەى هەفتەى داهاتوو چارەنووسسازە
ئەمڕۆ ئەنجومەنى وەزیران کۆبوونەوەیەکی ئامادەکاری ئەنجام دەدات
964+
وریا فەتاح
بڕیارە ئەمڕۆ چوارشەممە، ئەنجومەنى وەزیرانى هەرێم کۆبونەوەى ئاسایی خۆى ئەنجام بدات کە سێ تەوەرە و گرینگترینیان ئامادەکارییە بۆ کۆبوونەوەى هەفتەى داهاتوو کە لە هەولێر ئەنجام دەدرێت و کۆبوونەوەیەکى تایبەتى ئەنجومەنى ئابورى وەزارەتى دارایى فیدراڵ، لەبارەى دۆسییە هەڵپەسێردراوەکانى نێوان هەولێر و بەغدا.
بەپێى کارنامەکە کۆبوونەوەکە سێ تەوەر لەخۆى دەگرێت.
یەکەم، خستنەڕووى رەشنوسى بڕیارێکى ئەنجومەنى وەزیرانە تایبەت بە یەکخستنى رێکارەکانى تایبەت بە سیستمى دارایی و ژمێریاریی لەنێوان حکومەتى هەرێم و فیدراڵ.
دووەم: ئەنجامى کۆبونەوەکەى هەفتەى رابردوى نێوان شاندى تەکنیکى وەزارەتى دارایی و ئابورى لەگەڵ وەزارەتى دارایی فیدراڵ دەخرێتەڕو و تاوتوێی بەڕێوەچونى کارەکانى تیمە هاوبەشەکەیان دەکرێت.
سێیەم: ئامادەکاریی دەکرێت هەفتەى داهاتو کۆبونەوەیەکى تایبەتى ئەنجومەنى ئابورى وەزاریی فیدراڵ لە هەولێر بەڕێوەبچێت، کە تایبەت دەبێت بە دۆسییە هەڵپەسێردراوەکانى نێوان وەزارەتەکانى هەردوو حکومەتى هەرێم و ناوەند.
