لە رانیە دوو بەنزینخانە سزا دران و داخران-وێنە: قائیمقامیەتی رانیە
"بەنزینی خراپیان فرۆشتووە"
لە رانیە دوو بەنزینخانە سزا دران و داخران
964+
شۆڕش قادری
لە رانیە دوو بەنزینخانە سزا دران لەبەر ئەوەی بەنزینى خراپیان بە شۆفێران فرۆشتووە، جگە لە پێبژاردن هەریەکەشیان بۆ ماوەى یەک هەفتە داخران.
بەپێی راگەیەندراوێکی قائیمقامیەتی رانیە، “لیژنەى سووتەمەنى قائیمقامیەتی قەزای رانیە پشکنینیان بۆ کوالێتى بەنزین و سووتەمەنى چەند بەنزینخانەیەک کردووە و نمونەیان لێ وەرگیراوە، بەڵام دواى ئەوەى ئەنجامى پشکنینەکان لە تاقیگەى ناوەندى گەڕاوەتەوە، دەرکەوتووە دوو بەنزینخانە بەنزینی کوالێتى خراپیان فرۆشتووە”.
ئەو بەنزینخانانەی سزا دراون، بەنزینخانەی سەروچاوەی نمونەیی لە سەروچاوە و بەنزینخانەى خەندە لە شکارتە بوون، کە هەر یەکێکیان بە بڕى 500 هەزار دینار سزای دارایی دراون و جگە لەوەش بۆ ماوەی هەفتەیەک داخراون.
لە کۆیە سێ بەنزینخانە سزادران
