مۆلیدەیەکى ئەهلى لە قەڵادزێ وێنە: 964+
هەولێر زیاد و دهۆک کەمی کردووە
بۆ ئەم مانگە پارەی كارەبای مۆلیدە لە هەولێر و دهۆك چەندە؟
+964
ژێوار خدر
نرخی پارەی مۆلیدەی مانگی هەشت، لە هەردوو پارێزگای هەولێر و دهۆک دیاریکرا.
لە دهۆک بەراورد بە مانگی رابردوو هەزار دینار کەمی کردووە، لە هەولێریش هەزار دیناری چووەتە سەر.
خۆران خۆرانی، سەرۆکی ئەنجومەنی مۆلیدە ئەهلییەکانی هەولێر بە 964ـی وت، مۆلیدەکانی هەولێر ئەم مانگە 335 بۆ 455 کاتژمێر کارییان کردووە، نرخی هەر ئەمپێرێک بۆ یەک کاتژمێر 40 دینارە.
وتیشی، نرخی پارەی مۆلیدەکان بۆ مانگی هەشت لە نێوان 13 هەزار و 500 بۆ 18هەزار 500 دینار و بەراورد بە مانگی رابردوو نرخەکەی هەزار دیناری چووەتە سەر کە نرخەکەی 17 هەزار و 500 دینار بووە.
هەر ئەمڕۆش پارێزگای دهۆک لە تۆڕی کۆمەڵایەتیی فەیسبووک بڵاویکردووەتەوە، نرخی پارەی مۆلیدەیان بۆ ئەم مانگە دیاریی کردووە و بۆ هەر ئەمپێرێک 16 هەزار و 500 دینارە.
روونیشیانکردووەتەوە، نرخەکە بەراورد بە مانگی رابردوو هەزار دینار کەمی کردووە لە پارێزگای دهۆک.
