چەند کرێکارێک لەکاتی قیرتاو کردنی رێگاکە وێنە: قایمقمیەتی قەزای مێرگەسۆر
قیرتاو دەکرێت
كێشەی رێگای گوندی خەلان چارەسەر دەكرێت
+964
ژێوار خدر
قیرتاو کردنی رێگای گوندی خەلان لە ناحیەی گۆڕەتوو دەستی پێکرد و بڕیارە کێشەی رێگاکە چارەسەر بکرێت.
ئەمڕۆ یەکشەممە 1.9.2024، قایمقامیەتی قەزای مێرگەسۆر بڵاویکردووەتەوە، پڕۆژەی قیرتاوکردنی رێگەی گوندی گۆڕەتوو دەستی پێکرد.
پڕۆژەکە بە بڕی 143 ملیۆن و 625 هەزار دینار لەسەر بودجەی وەزارەتی ئاوەدان کردنەوە و نیشتەجێکردنی هەرێمی کوردستان و بە چاودێریی قایمقامیەتی قەزای مێرگەسۆر جێبەجێ دەکرێت.
خۆسرەت سادق، بەڕێوەبەری رێگاوبانی سۆران بە 964ـی وت، پێشتر رێگای گوندەکە زۆر تێکچوو بوو، بۆیە بڕیاری نۆژەنکردنەوە و قیرکردنەوەیمان دا.
وتیشی، رێگاکە بە درێژای یەک کیلۆمەتر و 400 مەتر قیر دەکرێت و کێشەی خراپیی رێگاکە بە تەواوی چارەسەر دەکات.
