نرخى کارەباى مۆلیدەى سیتییەکان دیاریکرا

964+

وریا فەتاح

نرخى کارەباى مۆلیدەى سیتییەکانى سلێمانى بۆ مانگى هەشت دیاریکرا و 255 دینار بۆ هەر کیلۆواتێک هەژمارکراوە.

بەڕێوەبەرایەتى گشتی کارەباى سلێمانى بڵاوى کردەوە، لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (سیتییەکان) ئەمڕۆ سێشەممە 27/8/2024 کۆبوونەوەیەکی سازکردو تیایدا نرخی کیلۆواتی کارەبای موەلیدەی بۆ مانگی ئاب بە 255 دینار بۆ هەر کیلۆواتێک، دیاریکرد.

وەک روونى کردووەتەوە، نرخەکە بە گوێرەى نرخى گاوزایل لە بازاڕ و ئەو توێژینەوەیەى بۆ خەرجى مۆلیدەى سیتییەکان کراوە، دیاریکراوە.

ئاشکراش کراوە کە لە مانگى حەوتدا، نرخى کیلۆواتێک کارەباى موەلیدەى سیتییەکان 258دینار بوو.

“پێویستە سەرجەم سیتییەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە”، کارەباى سلێمانى واى نوسیووە.

نرخی کارەبای مۆلیدەی سیتییەکان لە سلێمانی دیاریکرا