کۆبوونەوەی نێچیرڤان بارزانی لەگەڵ یاریزانانی هەڵبژاردەی عێراق لە هەولێر. وێنە/سەرۆکایەتی هەرێمی کوردستان
“نێچیرڤان بارزانی 10 هەزار دۆلاری داوە بە هەر یاریزانێکی عێراق”
964+
هاوبەش ئەبوبەکر – سلێمانی
غالب زاملی، ئەندامی ئەنجومەنی یەکێتی تۆپی پێی عێراق رایگەیاند، هەر یاریزانێکی هەڵبژاردەی عێراق بڕی 10 هەزار دۆلاری بە دیاری لە نێچیرڤان بارزانی، سەرۆکی هەرێمی کوردستان وەرگرتووە.
ئەمڕۆ پێنج شەممە، غالب زاملی بە ماڵپەڕی شەفەق نیوزی وتووە، دوێنێ چوار شەممە هەڵبژاردەی عێراق لەلایەن نێچیرڤان بارزانییەوە “پێشوازییەکی گەرمیان لێکراوە و هەریەکەیان بڕی 10 هەزار دۆلاریان وەرگرتووە.”
بە وتەی زاملی، نێچیرڤان بارزانی ئەو بڕە پارەیەی وەک پاداشتێک بە یاریزانەکان داوە لەبەرامبەر بردنەوەی جامی کەنداوی 25.
رۆژی 19ی کانوونی دووەمی 2023، هەڵبژاردەی عێراق بە ئەنجامی 3-2 گۆڵ لە عومانی بردەوە و جامی 25ی کەنداوی بەدەستهێنا.
یاریزانانی عێراق لەلایەن سودانییەوە بەڵێنی پێدانی پارچە زەوی و پاسپۆرتی دیپلۆماتیان پێدراوە.