لە ورمێ بارانی بەلێزمە دەبارێت-وێنە: ئیرنا
لە رۆژهەڵاتی کوردستان
هۆشداری لە بارانی بەلێزمە و دروستبوونی لافاو دەدرێت
964+
شۆڕش قادری
لە بەشێک لە شارەکانی رۆژهەڵاتی کوردستان هۆشداری لە بارانی بەلێزمە و دروستبوونی لافاو دەدرێت.
ئاژانسی هەواڵی ئیرنای ئێران لە زاری بەڕێوەبەرایەتی کەشناسی پارێزگای ورمێ بڵاویکردووەتەوە، “بە پێی پێشبینییەکانیان، لە سبەینێ یەکشەممەوە 25.8.2024 شەپۆلێکی باران بارین ناوچەکانی باکووری ورمێ دەگرێتەوە و لە هەندێک شوێن لێزمەباران دەبێت و بایەکی توند و خۆڵبارینیشی لەگەڵدا دەبێت”.
ئاماژەی بەوەشکردووە، ئەگەر هەیە، بەهۆی گیرانی ئاوەڕۆکان لە سەنتەری شارەکان و بەرزبوونەوەی ئاوی روبارەکان، لە چەند ناوچەیەک لافاو دروست ببێت.
یاسر ئەشتاد لە بەڕێوەبەرایەتی کەشناسی ورمێ دەڵێت، “شەپۆلەکە هەورە بروسکەی لەگەڵ دەبێت و تا رۆژی دووشەممە بەردەوام دەبێت”.
لە چەند رۆژی رابردوودا شەپۆلێکی باران بارین پارێزگای فارس و ناوچەکانی باشووری ئێرانی گرتەوە و بەهۆیەوە لافاو لە چەند شوێنێک دروست بوو.
چڕینی لاوک و سروشتی مەرگەوڕی ورمێ تێکەڵ بەیەک بوون
