ئەم بەیانییە
ئاگرەكەی چیای سەفین كۆنتڕۆڵ كرا
964+
ئەرسەلان عەبدوڵا
ئەو ئاگرەی شەوی رابردوو لە چیای سەفین كەوتەوە، ئەم بەیانییە لە لایەن بەرگریی شارستانییەوە كۆنتڕۆڵ كرا.
ئاگرەكە شەوی رابردوو دەروبەری كاتژمێر 08:00 كەوتەوە، كە دیوی ئاقوبانی گرتبووەوە.
موقەدەم شاخەوان سەعید وتەبێژی بەرگریی شارستانیی هەولێر ئەمڕۆ شەممە 24.8.2024 بە تۆڕی 964ی راگەیاند، ئاگرەكە بەیانیی ئەمڕۆ كاتژمێر 8:30 كۆنتڕۆل كرا و شەش تیمی بەرگریی شارستانیی هەولێر بەشدارییان كرد.
وتیشی، “بەداخەوە ئاگرەكە زیانی زۆری گەیاند و نزیكەی 75 دۆنم دار و درەختی سەر چیاكە سووتا”.
سەبارەت بە هۆكاری كەوتنەوەی ئاگرەكە، موقەدەم شاخەوان سەعید وتی، “هێشتا هۆكاری كەوتنەوەی ئاگرەكە دیار نییە”.
