لە رێگاى سەیدسادق بۆ هەڵەبجە
بەهۆی بۆردومانەکەوە دوو دوکارمەندى ژنى ستێرک تیڤى گیانیان لەدەست داوە
+964
دیلان محەمەد – سلێمانی
لەسەر رێگای سەیدسادق- هەڵەبجە ئۆتۆمبێلێکی تایبەت کە سێ کەسی تێدابووە لەلایەن درۆنەوە بە ئامانجگیراوە و بەهۆیەوە دوو کەس ژیانیان لەدەست داوە و یەکێک بریندارە.
تەرمەکان رەوانەى پزیشکى دادى سلێمانى کراون و توێکارى پزیشکیان بۆ دەکرێت.
بەپێى راگەیەندراوى کۆمپانیاى چەتر کە خاوەندارێتى لە کەناڵى ستێرک تیڤى نزیک لە پەکەکە دەکات، ئەوانەى بە ئامانجگیراون کارمەندى ئەوانن و بۆ گەشت و سەیران روویان لە ناوچەکە کردووە.
ئاشکراشى کردووە، دوو ئۆتۆمبێل بوون و دانەیەکیان بە ئامانجگیراوە.
پێداچوونەوە: ژووری هەواڵ
