سەرقاڵی تیمەکانی فەرمانگەی ئاوی شارەزوور _ وێنە: فەرمانگەی ئاوی شارەزوور
سەرقاڵی چاککردنەوەن
لاوازی ئاوی شارەزوور چاک دەکرێت و سبەی ئاویان پێ نادرێت
964+
ئەحمەد مستەفا
دانیشتووانی شارەزەوور سبەی ئاویان پێ نادرێت، “هەر سبەینێ خۆیان رابگرن ئیتر لەوەبەدوا باشتر ئاویان پێ دەگات”، ئەمە قسەی فەرمانگەی ئاوی قەزاکەیە بۆ دانیشتووانەکەی.
تەنیا، ئەمشەو 17-18.8.2024 ئاو هەڵدەکرێتەوە بۆ گەڕەکی سیروانی یەک و ئازادی، لە کاتژمێر 8:00ی شەو، لەوەبەدوا تا دووشەممە چاوەڕێی ئاو مەبن.
فەرمانگەکە ئەمڕۆ شەممە 17.8.2024، لە بڵاوکراوەیەکدا دەڵێت، “سبەی یەکشەممە 18.8.2024، دابەشکردنی ئاو رادەگیرێت لەبەر دوو هۆکار، ئەوانیش کارکردن لە چاککردن و رەبتکردنی بۆری سەرەکی هێڵی ئاو گواستنەوەی شارەزوور قەبارە( 24″ / 600ملم )ی ئاسن”.
هەروەها، “پاککردنەوەی حەوزی ئاوی سەرەکی شارەزوور لە گوندی بایز ئاوا”.
فەرمانگەکە باسیلەوەکردووە، “بە چارەسەرکردنی شکاویی لەسەر بۆرییەکە لاوازی ئاوی قەزای شارەزوور چارەسەر دەبێت و ئاو بەباشی دەگاتە ماڵەکان، وە پاککردنەوەی حەوزەکەش لە پێناو تەندروستی هاوڵاتیانی شارەکەمانە”.
لە فینلەندا لەدایک بووە لە شارەزوور چایچیە
