ئاڵوگۆڕ لە چەند پۆستێکی زانکۆی سلێمانی کرا

964+

شۆڕش قادری

ئاڵوگۆڕ لە چەند پۆستێکی زانکۆی سلێمانی کرا و دوو یاریدەدەری سەرۆکی زانکۆکە و دوو راگر لە پۆستەکانیان بەخشران.

بە پێی راگەیەندراوێکی ئەمڕۆی سەرۆکایەتیی زانکۆی سلێمانی، “پاش دەرچوونی فەرمانی وەزارەتی خوێندنی باڵا و توێژینەوەی زانستی، ئەمڕۆ پێنجشەممە 15.8.2024 لە مەراسیمێکدا پ.د.کاوە محەمەد جەمال رەشید، یاریدەدەری سەرۆکی زانکۆ بۆ کاروباری کارگێڕی و دارایی لە پۆستەکەی بەخشرا و  پ.د. کۆسار محەمەد عەلی، سەرۆکی زانکۆ پۆستەکە بەڕێوەدەبات، تا ئەوکاتەی لە رێگەی بانگەوازەوە کەسێک لە پۆستەکەدا دادەنرێت”.

هاوکات، پ.ی.د. پێشڕەو حەمەجان، یاریدەدەری سەرۆکی زانکۆ بۆ کاروباری خوێندکاران لە پۆستەکەی بەخشرا و پ.ی.د. شیروان حەمەساڵح عومەر لە جێگەکەی بەوەکالەت دەستبەکاربوو.

هەروەها پ.ی.د. سەلام عەبدولکەریم عەبدوڵا، راگری کۆلیژی پەروەردەی زانستە مرۆڤایەتییەکانی سەیدسادق، لە پۆستەکەی بەخشرا و لە جێگەکەی پ.ی.د. ئامانج حەسەن ئەحمەد دەستبەکاربوو، هەروەها پ.ی.د. عابد خالید رەسول، راگری کۆلێجی زانستە رامیارییەکان لە پۆستەی بەخشرا و لە جێگەکەی پ.ی.د. جەلال حەسەن مستەفا بەوەکالەت دەستبەکاربوو.

ژینگەی عێراق و زانکۆی سلێمانی سوود لە توانای کادرەکانیان وەردەگرن

شوێنەواری زانکۆی سلێمانی هەلی کار بۆ دەرچووان رادەگەیەنێت