وێنەی دەستگیركراوەكان. فۆتۆ: ئاژانسی عێراق
كەركوك
43 كەس لە 48 كاتژمێردا دەستگیر كران
964+
ئەرسەلان عەبدوڵا
پۆلیسی كەركوك ئاشكرای كرد، لە ماوەی 48 كاتژمێری رابردوودا 43 تۆمەتباریان بە پێی یاسا دەستگیر كردووە.
پۆلیسی كەركوك لە راگەیاندراوێكدا ئێوارەی سێشەممە رایگەیاند، فەرماندەیی پۆلیسی كەركوك لە سەرجەم ناوچەكانی دەسەڵاتی خۆی بە هاوكاری دەزگای هەواڵگری لە شارەكە، 43 داواكراویان دەستگیر كردووە، كە بە پێی چەند مادەیەكی یاسایی بڕیاری دەستگیركردنیان هەبوو.
پۆلیسی كەركوك هەروەها ئاشكرای كرد، پۆلیسی فریاكەوتن چەكێكی كلاشینكۆڤیان دەستبەسەردا گرتووە و بە هاوكاری پۆلیسی هاتوچۆش 49 سەرپێچیكاریان سزاداوە.
