پڕۆژەی ئاوی بێخاڵ لە سۆران وێنە: بەڕێوەبەرایەتی ئاوی سۆران
کێشە لە وێستگەی سەرەکی کارەبای رواندزە
ئەمڕۆ دابەشکردنی ئاوی سۆران دوا دەکەوێت
964+
ژێوار خدر
بەڕێوەبەرایەتی ئاوی سۆران ئاگاداری هاوڵاتیانی ئیدارەی سۆران دەکاتەوە ئەمڕۆ دابەشکردنی ئاو دوا دەکەوێت.
دەشڵێت، بەهۆی خراپی کارەبا و کەمی ڤۆڵتیە لە وێستگەی سەرەکی رواندز کێشە دروست بووە
تەحسین سەعدوڵا، بەڕێوەبەری ئاوی سۆران بە 964ـی وت، پڕۆژەی ئاوی بێخاڵ کارەباکەی فیوزی کردووە و بەهۆیەوە پەمپێکی سوتاوە، بۆیە ئەمڕۆ دابەشکردنی ئاو دوا دەکەوێت.
وتیشی، ئێستا تیمێکمان لەوێن و سەرقاڵی چارەسەر کردنی کێشەکەن، هەوڵ دەدەین هەر ئەمڕۆ چارەسەر بکرێت، چونکە ئەگەر دوا بکەوێ کێشەیەکی گەورە درووست دەبێت بەهۆی ئەوەی پڕۆژەکە ئاوی %60ـی دانیشتوانی سۆران دابین دەکات.
