لە سنووری شیلادزێ
گەنجێکی قەزای دوکان لە رووباری رووی شین خنکا
+964
هیڤی دێوالی – دهۆک
گەنجێکی خەڵکی قەزای دوکان لە رووباری رووی شین لە ناحیەی شێلادزێ خنکا.
ئەمڕۆ چوارشەممە7.8.2024 چەند گەنجێکی خەڵکی قەزای دوکان بۆ گەشت سەردانی رووباری رووی شینی ناحیەی شێلادزێیان کردووە و لەکاتی مەلەکردن گەنجێک خنکاوە.
بێوار عەبدولعەزیز وتەبێژی بەرگری شارستانی دهۆک بە 964ـی وت، دوو برا لە رووباری شین خنکاون و تەنیا یەکێکیان رزگاری بووە و ئێستا لە نەخۆشخانەی ئامێدییە.
وتیشی، گەنجە خنکاوەکە تەمەنی 22 ساڵە و خەڵکی قەزای دوکانە و بەمەبەستی گەشت سەردانی رووباری رووی شینیان کردووە.
بەپێی ئامارێکی بەرگریی شارستانی دهۆک، لەسەرەتای ئەمساڵەوە تا ئێستا هەشت کەس لە پارێزگای دهۆک و دەورووبەری خنکاون.
پێداچوونەوە: توانا نەقی
