نرخی نەوت
برێنت و ته‌كساس
نرخى نه‌وت زیاتر له 30 سه‌نت به‌رزبووه‌ته‌وه
964+
فه‌رهاد حه‌سه‌ن
به‌گوێره‌ی بۆرسه‌ی جیهانی وزه، ئه‌مڕۆ هه‌ینى نرخی به‌رمیلێك نه‌وتی خاوی برێنت به 79.85 دۆلار مامه‌ڵه‌ى پێوه‌ده‌كرێت، كه به‌راورد به نرخى دوێنێی 33 سه‌نت به‌رزبووه‌ته‌وه، كه ده‌كاته رێژه‌ی 0.4%ی نرخه‌كه‌ی .
نرخی به‌رمیلێك نه‌وتی خاوی رۆژئاوای ته‌كساسی ئه‌مریكا 38 سه‌نت به‌رزبووه‌ته‌وه، كه ده‌كاته رێژه‌ى 0.5%ی نرخه‌كه‌ی و ئه‌مڕۆ هه‌ینى به 76.69 دۆلار مامه‌ڵه‌ى پێوه‌ده‌كرێت.
به‌پێی داتاكانى ئه‌م هه‌فته‌یه‌ی بۆرسه‌ى جیهانى، نرخی نه‌وتی خاوی برێنت له‌م هه‌فته‌یه به رێژه‌ی 1.7% و نه‌وتی خاوی رۆژئاوای ته‌كساسیش به رێژه‌ی 1.1% دابه‌زیون.
كۆمپانیای LSEG Oil Research هه‌ندێك زانیاری بڵاوكردووه‌ته‌وه و ئاماژه به‌وه ده‌كات، كه هاورده‌كردنی نه‌وتی خاو له ئاسیا له مانگی ته‌مموزدا دابه‌زیوه بۆ نزمترین ئاستی له ماوه‌ی دوو ساڵدا، هۆكاره سه‌ره‌كییه‌كگه‌شی بۆ لاوازی خواست لهلایه‌ن وڵاتانى چین و هیندستان گه‌ڕاندووه‌ته‌وه.
