کەسێکیش بریندارە
بەهۆی رووداوێکی هاتوچۆوە لە نزیک تونێلی پیرمام کەسێک گیانی لەدەستدا
964+
توانا نەقی
بەهۆی رووداوێکی هاتوچۆوە لە نزیک تونێلی پیرمام کەسێک گیانی لەدەستداوە و کەسێکیش بریندارە.
دکتۆر کامەران مەلا عومەر بەڕێوەبەری نەخۆشانەی پیرمام بە 964ـی وت، رووداوەکە وەرگەڕان بووە و دوو برا لە ئۆتۆمبێلەکەدا بوون یەکێکیان پێش ئەوەی بگاتە نەخۆشخانەکەمان گیانی لەدەستداوە و ئەوەی دیکەیان بریندارە.
وتیشی، ئەو کەسەی گیانی لەدەستداوە و تەمەنی 20 ساڵە و بریندارەکەش 16 ساڵ و خەڵکی قەزای پیرمامن.
بەقسەی دکتۆر کامەران بریندارەکەیان رەوانەی هەولێر کردووە بۆ وەرگرتنی چارەسەر.
