نرخی نەوت دابەزی و بوو بە 81 دۆلار

964+

توانا نەقی

به‌هۆى كه‌مبوونه‌وه‌ى نه‌وت له‌ كۆگاكانى ئه‌مریكا دوێنێ کەمێک نرخی نەوت بەرزبووەوە بەڵام بۆ ئەمڕۆ پێنجشەممە نرخەکە دابەزیوە و هاتووەتە 81 دۆلار.

نرخەکان بەشێوەیەکە بۆ هەر برمیلێک نرخی نەوتی برێنت 81 دۆلار و 0.5 سەنتە و بەوەش 0.66% نرخەکەی لە چاو دوێنێدا دابەزیوە.

هاوکات نرخی نەوتی سووکی تێکساسی ئەمریکا 76 دۆلار و 94 سەنتە و بەوەش نرخەکەی 0.65% دابەزیوە.

نەوتی برێنتی دەریای باکوور لە ماوەی سێ رۆژی رابردوودا بە رێژەی 5٪ بەهای خۆی لەدەستداوە و هەر لەو ماوەیەدا، نەوتی سوکی تێکساسی ئەمریکاش بە رێژەی 7٪ دابەزینی بەخۆیەوە بینیوە.

بەپێی راپۆرتى پەیمانگەی نەوتی ئەمریکا، هەفتەی رابردوو قەبارەی نەوتی کۆگاکراو لەو وڵاته‌ سێ ملیۆن و 900 هەزار بەرمیل کەمیکردووە. هاوکات قەبارەی بەنزینی کۆگاکراویش 2.8 ملیۆن بەرمیل کەمیکردووە لە هەمان ماوەدا.