نرخی نەوت بەرزبووەوە

964+

توانا نەقی

هەرچەندە چەند رۆژێکە نرخی نەوت بەرەو دابەزین دەچێت بەڵام ئەمڕۆ دووشەممە کەمێک بەرزتر بووەتەوە و چووەتە سەروو 83 دۆلار.

هێرشەکانى ئیسرائیل بۆسەر حوسییەکان پێدەچێت کاریگەرى لەسەر نرخەکەى هەبێت و بەرەو دابەزین بڕوات.

به‌پێی داتاكانى بۆرسه‌ی جیهانی وزه‌، بۆ ئەمڕۆ یەکشەممە نرخی به‌رمیلێك نه‌وتی خاوی برێنت بە 83 دۆلار و 08 سەنت مامەڵەى پێوە دەکرێت و لە چاو دوێنێدا 0.45% بەرزبووەتەوە.

هاوکات نرخى یەک بەرمیل نەوتى خاوى تەکساس بە 80 دۆلار و 54 سەنت مامەڵەى پێوە دەکرێت و ئەمیشان لە چاو دوێنێدا 0.41% بەرزبووەتەوە.

دابەزینی خێرا لە نرخى نەوت چەند مانگێکە رووینەداوە، پرسى یەدەگى نەوت و رووداوەکانى رۆژهەڵاتى ناوەڕاست هۆکارى گۆڕانکارین لە نرخى نەوتدا.

لە چەند شەوی رابردوودا ئیسرائیل هێرشى کردە سەر دامەزراوەى حوسییەکان لە یەمەن ئەوەش پێدەچێت لە رۆژانى داهاتوودا کاریگەرى بکاتە سەر نرخى نەوت.