کۆنمرەی 50ـیە
بە حەوت ساڵ و 13 تاقیکردنەوە دەرچوو
+964
ئاکام غەفور-سۆران
قوتابییەک لە گوندی کەژەکی سەر بە قەزای سیدەکان دوای حەوت ساڵ لە پۆلی 12ـی زانستی و 13 جار تاقیکردنەوە لە وانەی بیرکاری توانی دەربچێت.
ئەو قوتابییە ساڵانی رابردوو مامۆستای تایبەتی گرتوە و نەیتوانیوە دەربچێت بەلام ئەمساڵ توانی نمرەی 50 لە وانەی بیرکاری بەدەستبهێنێت و دەڵێت، “لە خۆشیان بەسەر دار و دیوار کەوتم.”
میڤان خدر، قوتابییە دەرچووەکەیە و قسە بۆ 964 دەکات و دەڵێت، ”دوای حەوت ساڵ بە کۆنمرەی 55 لە پۆلی 12 دەرچووم، هەرچەندە زۆر پێیان گوتم واز بێنە دەرناچی بەڵام هەر کۆڵم نەدا و ساڵی رابردوو مامۆستای تایبەتم گرت و 600 دۆلارم پێدا بەڵام هەر دەرنەچووم”.
ئەو قوتابیە باسی هەستی خۆی دەکات کاتێ دەرەجە هاتۆتەوە و دەڵێت، “لە خۆشیان بەسەر دار و دیوار و قادرمە سەرکەوتم و رامدەکرد لە خۆشیان”.
دەشڵێت، ئەوەندە دڵخۆش بووین لە خۆشی دەرچوونی من کەس ئاگای لە دەرچووەکانی تر نەما کە دەرەجەی باشیان هێنابوو.
پێداچوونەوە: هاوبەش
کۆنمرەی قوتابییەکە:
