دارەتوو پردێکی چوارچاوەی بۆ درووست دەکرێت

964+

ژێوار خدر

بە گوژمەی 325 ملیۆن دینار پڕۆژەی شەقامی 20 مەتری ناحیەی دارەتوو دەستی پێکرد، پردێکی چوارچاوەشی بۆ درووست دەکرێت.

بەڕێوەبەرایەتی شارەوانییەکانی هەولێر بڵاویکردەوە، دوێنێ 11.7.2024 لەسەر داواکاری خەڵکی ناحیەی دارەتووی سەر بە پارێزگای هەولێر، بە گوژمەی 325 ملیۆن دینار لەسەر بودجەی سەربار، دەستکرا بە پڕۆژەی شەقامی 20 مەتری دارەتوو.

بەپێی بڵاوکراوەکەی شارەوانییەکانی هەولێر، شەقامەکە 20 مەتر پانە و 380 مەتر درێژە، پڕۆژەکە پێکهاتووە لە راخستنی بەردی شکاو و قیڕتاوکردنی رێگاکە و دانانی قاڵبی بی ئار تۆن و درووستکردنی پردێکی چوارچاوە، کە گەڕەکی ژین دەبەستێتەوە بە شەقامی پزیشکان و برایەتی.