مامۆستایانی ناوچە دابڕاوەکان بێبەش ناکرێن لە پێدانی زەوی و ئیمتیازات. وێنە: پەیچی وزارەتی پەروەردەی هەرێم.
وەزیرى پەروەردە بەڵێنى پێداون
پێدانى زەوى مامۆستایانى بەشى خوێندنى کوردى کەرکوکیش دەگرێتەوە
964+
سیروان خورشید – دوزخوماتوو
وەزیرى پەروەردەى حکومەتى هەرێم، بەڵێنی بە مامۆستایانی دەرەوەی ناوچەکانی هەرێمی کوردستان داوە کە ئەو ماف و ئیمتیازاتانەى مامۆستایانى هەرێم لێى سودمەند دەبن، لەمەودوا مامۆستایانی بەشی خوێندنی کوردی کەرکوک و خورماتووش دەگرێتەوە.
تارق ئەحمەد، بەڕێوەبەری خوێندنی کوردی لە خورماتوو بە964ـی، وەکو بەشی خوێندنی کوردی کەرکوک و خورماتوو، بە وەفدێک سەردانی دکتۆر ئالان حەمە سەعید، وەزیری پەروەردەی حکومەتی ھەرێمی کوردستانمان کرد و چەندخاڵێکمان ئاڕاستەی کرد و ئەویش بەڵێنی چارەسەرکردنی سەرجەم کێشەکانی خوێندنی کوردی دا لەکەرکوک و خورماتوو”.
“وەزیرى پەروەردەى هەرێم بەڵێنى ئەوەشى دا کە لە ماف و ئیمتیازات و وەرگرتنى زەوى، مامۆستایانى خوێندنى کوردى کەرک و خورماتوو هاوتاى هەرێم بکرێن”، تارق ئەحمەد واى وت.
بە وتەى بەڕێوەبەرى خوێندنى کوردى خورماتوو، وەزیرى پەروەردە پێى وتوون کە هەفتانە رۆژی پێنجشەممەى تەرخانکردووە بۆ چاوپێکەوتن لەگەڵ مامۆستاو خوێندکاران و گوێگرتن لەکێشەو گرفتەکانیان.
پێداچوونەوە: وریا فەتاح
