لە سنووری ئامێدی
بەهۆی شەڕەوە کریستیانەکان گوندەکانیان چۆڵکردووە
964+
زەید کۆچەر – دهۆک
شەڕی فرۆکەکانی تورکیا و پەکەکە کریستیان نشینەکانی بەرواری باڵای لە ناحیەی کانی ماسێیان دەربەدەر کردووە و لەترسی ژیانی خۆیان گوندەکانی خۆیان بەجێ هێشتووە و هەڵاتوون بۆ دهۆک و چەندین شوێنی دیکە.
داود یوخەنا ئادەم، هاوڵاتیەکی گوندی میسکایە لە ناحیەی کانی ماسێ بەهۆی بەردەوامی بوردومان کردنی گوندەکەیان لە گوند هەڵاتووە و باسی چیرۆکی خۆی و چەندین خیزانی کریستیان نشین دەکات بۆ مایکی964.
لە ئێستادا لە سنووری ناحیەی کانی ماسێ شەڕ بەردەوامە نزیکەی 25 گوندی کریستیاننشین کەو سنوورە نیشتەجێن.
گوندی میسکا دێرینترین گوندی ناحیەی کانی ماسێیە و لە ئیستادا چۆل کراوە و بگرە کەنیسەکانیانیش زیانی بەرکەوتووە.
پێداچوونەوە: توانا نەقی
