ساتی کۆکردنەو و فڕێدانی پاشماوەکان. فۆتۆ: ژینگەی هەولێر
بە 10 گەڵابە
لە بازاڕی سیم 650 تۆن پاشماوەی بیناسازی کۆکرایەوە
964+
ژووری هەواڵ
لە بەشێک لە شەقامەکانی بازاڕی سیم سەدان تۆن پاشماوەی بیناسازی بەشێوەی نایاسایی فڕێدراوە و سیمایەکی ناشرینی بە شوێنەکە بەخشیوە، ئەمڕۆ بەشێک لەو خۆڵ و خاشاکە کۆکرایەوە.
بۆ کۆکردنەوەی پاشماوەی بیناسازی لە بازاڕی سیم، بەڕێوەبەرایەتی خزمەتگوزاری ژینگەپارێزی دوو شۆفڵ و 10 گەڵابەی بردووەتە بازاڕەکە.
ئەمڕۆ سیشەممە 9.7.2024، لە گۆڕەپانێکی بازاڕەکە نزیکەی 650 تۆن پاشماوەی بیناسازی، کە بەشێوەیەکی نایاسایی فڕێدرابوو، پاککرایەوە، بەڕێوەبەرایەتی خزمەتگوزاری ژینگەپارێزی وا دەڵێت.
بەگوێرەی یاسای ژینگە، سزای فڕێدانی خۆڵ و خاشاک لە نێوان 100 هەزار دینار بۆ شەش ملیۆن دیناردایە.