خانوویەکى سێ نهۆمى ئاگرى گرت

964+

وریا فەتاح

خانوویەکى سێ نهۆمى لە گەڕەکى وەزیرانى شارى هەولێر ئاگرى گرت و زیانێکى زۆرى ماددیى پێگەیشت.

بەپێى ئەو زانیارییانەى 964 لە شایەدحاڵێک دەستیکەوتووە، ئاگرەکە لە پووش و پەڵاشى زەوى تەنیش خانووەکە کەوتووەتەوە و دواتر دیوارى خانووەکە کە ئیزۆگامە و ئاگرى گرتووە، بەرز بووەتەوە بۆ نهۆمەکانى سەرەوە.

ئاشکراشى کرد، خانوەکە سێ نهۆم بووە و بەهۆى تەقینى تانکى گازى مۆلیدەى ماڵەکە ئاگرەکە تەشەنەى کردووە و دواتر لەلایەن تیمەکانى بەرگریى شارستانییەوە کۆنتڕۆڵکراوە.

“هەرچەندە بەشێکى خانووەکە سووتاوە، بەڵام زیانەکان ماددین و زیانى گیانى نەبووە”، شایەدحاڵەکە واى وت.