964+
پێشتر بە عەشایەرى رێککەوتبوون
شەڕەتەقەى نێوان دوو بنەماڵە بریندارى لێکەوتەوە
964+
میلاد جەلال_گەرمیان
بەھۆی کێشەیەکی کۆمەڵایەتییەوە، لەنێوان دوو بنەماڵەى ناحیەی زینانەی قەزای کفری، شەڕەتەقە روویداوە و کەسێک بریندار بووە.
وەھاب ئەحمەد، بەڕێوەبەری ناحیەی زینانە بە 964ـى وت،”ئێوارەی ئەمڕۆ شەڕەکە لە نێوان دوو بنەماڵە روویداوە، کەسێک بریندارە ئەوەشی تەقەى کردووە رایکردووە”.
“ساڵى پار کێشەکە لە سووتانی زەوی و زارەوە دەستیپێکرد، بەڵام ئێستا بووە بە کێشەیەکی بنەماڵەیى و خێزانى”، وەھاب ئەحمەد وای وت.
ئاماژەی بەوەشکرد، مانگێک پێش ئێستا بەشێوەی عەشایەری هەردوو خێزانەکە رێککەوتن، بەڵام ئەمڕۆ دیسان شەڕیان کردۆتەوە.
پۆلیس دەستی بە لێکۆڵینەوە کردوە و لە ھەوڵدان بۆ دەستگیرکردنی ئەوکەسەی تەقەی کردوە.
پێداچوونەوە: وریا فەتاح